Ірі жобаларды тиімді жоспарлау және іске асыру құнды құруда шешуші рөл атқарады және Компанияның болашақ қаржылық нәтижелерін айқындайды. Компания Stage Gate Process (жобаларды кезең-кезеңмен іске асыру процесі) қолдана отырып, үздік әлемдік стандарттар мен практикаларға сәйкес жобаларды басқаруда жоғары жетілу деңгейіне жетуге ұмтылады.

Шешім қабылдау моделі инвестициялық комитет пен негізгі бизнес-бағыттар арасында өкілеттіктер бөлуді қарастырады. Барлық жобалар бойынша ішкі сараптама мен кешенді техникалық-экономикалық бағалау жүргізіледі. Іске асыруды бақылау және мониторингін жүргізу орталықтандырылған ақпараттық жүйеде жүзеге асырылады.

Заманауи әдіснамалық база енгізілді, сондай-ақ жобалау персоналының құзыреттерін орталықтандырылған және үздіксіз жетілдіру процесі жолға қойылды.